حُبِّك يا مَيمتي غَلْ، جوّا قَلبي

والعضام، حياتي إِلِك بسَلّما،

من عَرشو الربّ رَفْعِك بين الأنامْ،

وحَطِّك عَ الأَرض سلطانة، وعَ السما،

وبعرسْ قانا يسوعْ لبّى الطّلبْ،

وكرمالِك ساعة مجدُو قدَّما

القَمَر تدَحرَجْ من مَطْرَحُو،

وضَلْ كارِجْ لتَحْتْ إجْرِكْ، وارتَمَى

قطَفْتِ نَجْمِ الفَلَكْ لراسِكْ تاج،

والنَّجْمات فهمُوا علَيْكِ بالوَمَا

ملَحََّفة بالشَمس متل العَباية،

آية بكتابو ربِّي راسما

كَمانْ (بفََطِيما)، ضَرْبِتْلِكْ سلام، 

الفَضا كلّو سِلطانتو مكَرَّما

احتِمي بأمَّكْ والمَرْبَحْ مَعَكْ،

نيّالو كلْ حينْ بأِمّو احتَمَى

والشمس من نورِك خايفة تِحْتَرِقْ،

أمّ الدني، حَبْ الله يكرِّما

البَحر من لوانِكْ، يا ما لوّن مواجْ،

ومن لونْ تيابِك، لوّنتِ تياب السَما.